Али́ев Гейда́ронь центра (азеринь Heydər Əliyev Mərkəzi) – Азербайджанонь прявт ошсо, Бакусо, Алиев Гейдаронь проспектсэ стявтозь культурной центра. Те комплексной теевкс-вачкавкс, кона ашти аудиториумсто (конгресс-центрасо), музейстэ, выставочной залсто, административной офисстэ. Канды Азербайджанонь 3-це президентэнть, Алиев Гейдаронь, лементь. Центрань проектэнть 2007-це иестэ арсизе-теизе Заха Хадид архитекторось. Алиев Гейдаронь центранть прявтозо Алекперов Анар. Алиев Гейдаронь культурной центрась ловови неень шкань Бакунь символтнэстэ вейкекс. 2014-це иестэ ловизь мирсэнть-масторсонть сехте паро зданиякс (премия 2014 Design of the Year).
Центрась пурназель-панжозель Алиев Ильхам Азербайджанонь Республикань 1886-це № указонзо коряс (2006-це иень ацамковонь 29-це чи).