Гауйзэнь раськень вирьпусмо (латокс Gaujas nacionālais parks, Раськень вирьпусмо Гауя) — сэхте покш раськень вирьпусмо Латвиясо. Ашти 11-це крайтнень лангсо: Цесиссэнсэ, Лигатненэнсэ, Аматонсэ, Приекулоньсэ, Паргауйеньсэ, Сигулдоньсэ, Инчукалноньсэ, Кримулданоньсэ, Сейсэньсэ, Коценэньсэ ды Беверинэньсэ.
Вирьпусмонть покшолмазо 917,90 вп² Гауя леенть чудемасонзо, Валмиера ошонть пелеве-чилисемань ёно Мурьяни од эрямо тарканть (Мурьянонь сэдь) лембе-чивалгомань ёно. Ульнесь теезь 1973 иень таштамковонь 14 чистэ ды сэх пингэнь Латвиянь вирьпусмо. Вирьпусмонть прявтось ашти Сигулда ошсо.
Вирьпусмось пек содавиксэв керьсезь латконзо эйсэ девононь чуварсто, кона ашти Гауя деенть чирева. Кой-кона таркатнева Сигулды буева сэрэсь малав 90 метрат. Лембе-чилисема ёнксось вирьпусмонть пек мелес туи Рига ошонть эрицятнесэ.
Икеле те ёнксонть лемдилть «Ливононь Швейцариякс» ды туристнэ ульнесть тесэ XIX пингестэ.
Цесис ды Сигулда оштнедэ башка, раськень вирьпусмонть модасо ашти Лигатне, авасоло Валмиера. Вирьпусмонть модасо улить историянь теевкст: Турайдонь инекудо, Лиелстраупе (инекудо ды церькува), Унгурмуйжа.
47 % вирьпусмонть таркась вирь подсо, седе ламо кузоньсэтьнесэ ды пиченьсэтнесэ, ансяк вастневить лиятгак. Вирьпусмосонть улить ламо эрькеть, сэх покшось Унгурс (латокс Ungurs).